Ադրբեջանական բանակը հերթական կորուստն է ունեցել

Բաքու-Գուբա ավտոմայրուղու 49-րդ կմ-ի վրա բեռնատարի հետ «Թոֆաշ» տեսակի մարդատար ավտոմեքենայի բախման արդյունքում տեղում զոհվել են ադրբեջանական բանակի երկու զինծառայողներ' ենթասպա, ջոկի հրամանատար Ռահաթ Էմին օղլու Մուրադովը (ծնվ. 1980 թ.) և կապիտան, վաշտի հրամանատար Էմիլ Թահիր օղլու Ասգերովը (ծնվ. 1985 թ.): Այս մասին, ինչպես հաղորդում է «Արմենպրես»-ը, հայտնում է moderator.az լրատվական կայքը:

«Թոֆաշ»-ի առաջնամասը, որը վարում էր Ռահաթ Մուրադովը, բեռնատարի հետ բախման հետևանքով ամբողջությամբ ճզմվել է, և փրկարարներին հազիվ է հաջողվել այնտեղից դուրս բերել զինծառայողների մարմինները: Փաստի հետ կապված Ադրբեջանի պետական ճանապարհային փոստիկանությունը հետաքննություն է անցկացնում:

Հետաքրքիր է, որ այս ավտովթարի մասին լուրը հայտնել է նաև APA լրատվական գործակալությունը, սակայն, չի նշել, որ «Թոֆաշ»-ի մեջ գտնվող Ռահաթ Մուրադովն ու Թահիր Ասգերովն ադրբեջանական բանակի զինծառայողներ են:

Ադրբեջանական ԶԼՄ-ների համաձայն' 2014 թվականի սկզբից մինչ այժմ Ադրբեջանի զինված ուժերում զոհվել է 87 զինծառայող, որոնցից 55-ը' ոչ մարտական պայմաններում, 117 զինծռայաողներ էլ վիրավորվել կամ տարբեր աստիճանի վնասվածքներ են ստացել: