Նահանգապետը ծաղրել է Բարաք Օբամային ռադիոեթերում (տեսանյութ)

ԱՄՆ նախագահ Բարաք Օբաման զանգահարել է Մասաչուսեթս նահանգի ռադիոկայաններից մեկի ուղիղ եթեր՝ նահանգապետ Դևալ Պատրիկի հետ զրուցելու համար։ Պաշտոնյան նախ մտածել է, թե իրեն զանգահարել է Օբամային նմանակողը, այլ ոչ նախագահը: Իսկ երբ հասկացավ, թե ինչ է կատարվում, միևնույն է լուրջ չի ընդունել նրան: Այս մասին հայտնել է ДНИ.ru-ն: 

«Սա Բարաք Օբաման է` Սոմերվիլի նախկին բնակիչ։ Ես կցանկանայի դժգոհել շրջանի սպասարկումից»,- ասել է նախագահը։

Գիտակցելով, որ իր հետ խոսում է ոչ թե նմանակը, այլ իսկական նախագահը, նահանգապետը որոշել է օգտվել հնարավորությունիվ և քննադատել նախագահին:

«Պարոն նախագահ, ես Ձեզ շատ եմ համակրում են: Բայց դուք դեռ դժվարանում եք ճիշտ արտաբերել «Մասաչուսեթս» բառը: «Դուք գիտեք այդ մասին, ճիշտ է՞»,- նշել է Պատրիկը։ Օբաման խոստովանել է, որ ինքն իսկապես սխալ է արտաբերում։ «Սակայն ես գիտեմ, թե ինչպես է գրվում այդ բառը»,- ասել է նախագահը։

Նախագահն ասել է, որ իր խոսքերն ճշմարիտ են և նա հանդիսանում է Սոմերվիլի նախկին բնակիչ: Նա ապրել է Բոստոնի արվարձանում, երբ սովորել է Հարվարդի իրավունքի դպրոցում: Այն ժամանակ երկրի ապագա ղեկավարը բնակարան էր վարձել 900 դոլարով։