Բաքվում աշակերտն ինքնասպանություն է գործել

Բաքվի թիվ 231 դպրոցի 8-րդ դասարանի աշակերտ Նիջաթ Ալիբալա օղլու Ռզաևը (ծնվ. 2000 թ.) ինքնասպանություն է գործել սեփական տանը: Այս մասին, ինչպես հաղորդում է «Արմենպրես»-ը, հայտնում է APA լրատվական գործակալությունը՝ հղում կատարելով Բաքվի Փիրալլահի շրջանային ոստիկանական բաժանմունքին:

Անչափահասի ինքնասպանության դիմելու պատճառները դեռևս հայտնի չեն: Փաստի առնչությամբ հետաքննություն է սկսվել:

Ադրբեջանի իշխանությունները երկրում ինքնասպանությունների պաշտոնական վիճակագրություն չեն հրապարակում, սակայն, ադրբեջանական ԶԼՄ-ների համաձայն' 2014 թ. այդ երկրում արդեն 226 ինքնասպանության դեպք է տեղի ունեցել, որոնցից 16-ն անչափահասներ են եղել: 13 ինքնասպանության դեպք էլ գրանցվել է Ադրբեջանի զինված ուժերում:

Ադրբեջանում այս տարվա ընթացքում ինքնահրկիզման են դիմել արդեն 13 քաղաքացիներ, որոնցից 7-ը' ղարաբաղյան պատերազմի հաշմանդամներ: Նրանք այդ քայլին են դիմել իրենց իրավունքները իշխանություններից կողմից խախտվելու, կաշառք պահանջվելու և այլ պատճառներով: