Պան Գի Մունը Լիբերիայում Էբոլա տենդի տարածման դանդաղում է արձանագրել
Աշխարհ
Լիբերիայում Էբոլա վիրուսի հարուցած հիվանդության տարածումը դանդաղում է: Այդ մասին, ինչպես հաղորդում է «Արմենպրես»-ը, երկրի մայրաքաղաքում հայտարարել է ՄԱԿ-ի գլխավոր քարտուղար Պան Գի Մունը:
«Մոբիլիզացման մեր ռազմավարությունը գործում է»,- ընդգծել է նա, հավելելով, որ «այժմ ջանքերը թուլացնելու ժամանակը չէ»:
Արևմտյան Աֆրիկայի երկրներ ուղևորության ընթացքում գլխավոր քարտուղարին ուղեկցում են Առողջապահության համաշխարհային կազմակերպության գլխավոր տնօրեն Մարգարեթ Չենը և Էբոլայի դեմ պայքարի հարցերով ՄԱԿ-ի հատուկ դեսպանորդ Դավիթ Նաբարոն:
«Մենք ձեզ հետ կլինենք այնքան ժամանակ, քանի դեռ համաճարակը չի հաղթահարվել,- Լիբերիայի բնակիչներին հավստիացրել է Պան Գի Մունը:- Անհրաժեշտ է ակտիվացնել հիմնական սոցիալական ծառայությունների վերականգնմանը, առողջապահության մարմինների ամրապնդմանը և տնտեսական ակտիվության աջակցմանն ուղղված ջանքերը»:
Լիբերիայից հետո Պան Գի Մունը կուղևորվի Սիեռա Լեոնե, այնուհետև՝ Գվինեա և Մալի:
Ըստ ԱՀԿ-ի վերջին տվյալների՝ Էբոլա տենդի համաճարակի ներկայիս բռնկման զոհ է դարձել ավելի քան 6,9 հազար մարդ, վարակված է ավելի քան 18 հազարը: Վտանգավոր վիրուսի զոհերի մեծ մասը բաժին է ընկնում Արևմտյան Աֆրիկայի երեք երկրների՝ Լիբերիային, Սիեռա Լեոնեին և Գվինեային, հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
