Գերմանիայի փոխկանցլերը դեմ է ՌԴ-ի դեմ պատժամիջոցների խստացմանը
Աշխարհ
Գերմանիայի էկոնոմիկայի և էներգետիկայի նախարար, փոխկանցլեր Զիգմար Գաբրիելը դեմ է Ռուսաստանի դեմ սահմանված պատժամիջոցների խստացմանը: «Արմենպրես»-ի հաղորդմամբ' ինչպես տեղեկացնում է «ՏԱՍՍ»-ը, այս մասին նա հայտարարել է Tagesspiegel թերթին տված հարցազրույցում: «Վերջին հաշվով, ոչ Գերմանիան, ոչ էլ Եվրոպան չեն կարող շահագրգռված լինել այն հարցում, որ Ռուսաստանը մտնի տնտեսական քաոսի մեջ: Այդ պատժառով պատժամիջոցների խստացում պահանջելը սխալ կլինի»,- ասել է Գաբրիելը:
Փոխկանցլերը միաժամանակ նշել է, որ «այժմ, և ոչ միայն ԱՄՆ-ում, շատ են խիստ պատժամիջոցների կիրառման կողմնակիցները, ովքեր անգամ պահանջում են Ուկրաինայի անդամակցությունը ՆԱՏՕ-ին»: «Կարծես թե, այնտեղ քիչ չեն փոխադարձ սադրանքները: Այդ քննարկումներին պետք է վերջ տաք»,- ընդգծել է Գաբրիելը: Նրա խոսքով՝ պատժամիջոցների նպատակը ոչ թե այն է, որ ՌԴ-ն ծնկի գա, այլ այն, որ Ռուսաստանը թեքվի դեպի Ուկրանական ճգնաժամը խաղաղ ճանապարհով լուծելու բանակցությունները:
«Մեզ լիցքաթափման նոր քաղաքականություն է անհրաժեշտ: Միաժամանակ, մենք ՌԴ-ի հետ նոր բանակցությունների կարիք ունենք, որոնց անցկացման ջատագովներից է արտգործնախարար Ֆրանկ-Վալտեր Շտայնմայերը»,- նշել է Գերմանիայի փոխկանցլերը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
