Իտալացին ի նշան բողոքի կրկին բարձրացել է Սուրբ Պետրոսի տաճարի գմբեթի վրա

Տրիեստից իտալացի ձեռնարկատեր Մարչելո Դի Ֆինիցիոն դեկտեմբերի 21-ին հինգերորդ անգամ բարձրացել է Վատիկանի Սուրբ Պետրոսի տաճարի գմբեթի վրա՝ բողոքելով Իտալիայի կառավարության տնտեսական քաղաքականության դեմ, տեղեկացնում է «Արմենպրես»-ը՝ հղում անելով տեղական լրատվամիջոցներին:

Վատիկանի անվտանգության ծառայություններին լավ հայտնի տղամարդն առանց խնդիրների հաղթահարել է տաճարի դիտահարթակում տեղադրված հատուկ փակոցը և ալպինիստական սարքավորանքի միջոցով բարձրացել գմբեթի վրա, որտեղ, սվորականի պես, տեղավորվել է գետնից 80 մետր բարձրության վրա գտնվող կամարներից մեկի վրա:

Ինչպես նշել է Corriere della Sera-ն, առայժմ հասկանալի չէ, թե Դի Ֆինիցիոն որքան երկար է պլանավորում գտնվել գմբեթի վրա: Նախորդ անգամ՝ այս տարվա մարտ ամսին, նա վերևում նստել է երեք օր: Տրիեստցի ձեռնարկիչը, որը քաղաքի լողափին գտնվող բարերից մեկի սեփականատերն է, բարձրանալով Սուրբ Պետրոսի տաճարի գմբեթի վրա, այդ կերպ իր անհամաձայնությունն է հայտնում տնտեսության զարգացման՝ իշխանությունների քաղաքականությանը, հաղորդել է ՌԻԱ Նովոստին: