Ղրղզստանը և ԵՏՄ-ի երկրները ընդհանուր պատմություն և ընդհանուր ապագա ունեն. նախագահ Աթամբաև

Ղրղզստանի նախագահ Ալմազբեկ Աթամբաևը Եվրասիական տնտեսական միությանը և Մաքսային միությանն անդամակցելու վերաբերյալ համաձայնագրերի ստորագրման նախօրեին վստահություն է հայտնել, որ Ղրղզստանին և հանրակցության երկրներին միավորում է ոչ միայն ընդհանուր պատմությունը, այլև ընդհանուր ապագան:

«Եվրասիական տնեսական միության երկրները ոչ թե պարզապես մեր տնտեսական գործընկերներն են, այլև, նախևառաջ, ոգով մեզ մոտիկ հարևաններ: Մենք ընդհանուր պատմություն ունենք, և ես վստահ եմ՝ ընդհանուր ապագա»,- ընդգծել է Աթամբաևը «Ռոսիյսկայա գազետա»-ին տված հարցազրույցում:

Ղրղզստանի նախագահը նաև նշել է, որ առանց միասնական տնեսական տարածքի, հանրապետության համար դժվար կլինի, որովհետև չի կարելի վաստակել միայն վերաարտահանման հաշվին: «Համաշխարհային փորձը ցույց է տալիս, որ միայն միավորվելով կարելի է բեկման հասնել: Դա օբյեկտիվ իրողություն է»,- ասել է նա:

«Այդ միավորմանն անդամակցելը նոր հնարավորություններ է բացում տնտեսական զարգացման համար: Ղրղզստանն իր ապրանքների, իր աշխատուժի ազատ տեղաշարժման կարիք ունի: Հարկավոր է, որ ազատորեն հանրապետություն գան ֆինանսական ռեսուրսներ»,-նշել է Աթամբաևը:

ԵՏՄ-ի ստեղծման մասին պայմանագիրը Ռուսաստանի, Բելառուսի, ու Ղազախստանի կողմից ստորագրվել է այս տարվա մայիսի 29-ին Աստանայում: Ավելի ուշ դրան միացել է Հայաստանը:

Դեկտեմբերի 23-ին Ղրղզստանի ղեկավարությունը պատրաստվում է պայմանագիր ստորագրել ԵՏՄ-ին միանալու մասին: Նաև պլանավորվում է, որ հանրապետությունը պայմանագիր կստորագրի Մաքսային միությանն անդամակցելու վերաբերալ, հաղորդել է ՌԻԱ Նովոստին: