Վրաստանի նախագահը մինչև Նոր տարի ներում կշնորհի մի քանի հարյուր դատապարտյալի
Վրաստան
Վրաստանի նախագահ Գեորգի Մարգվելաշվիլին մինչև Նոր տարի ներում կշնորհի մի քանի հարյուր դատապարտյալների: Այդ մասին, ինչպես տեղեկացնում է «Արմենպրես»-ը, դեկտեմբերի 23-ին լրագրողներին հայտնել է համաներման հանձնաժողովի նախագահ Զվիադ Կորիձեն:
Վրաստանի Սահմանադրության համաձայն՝ ներում շնորհելու իրավունքը պատկանում է երկրի նախագահին: Համաներման համար առաջարկվող կալանավորների ցուցակները պետության ղեկավարին ներկայացնում են ինչպես Համաներման պետական հանձնաժողովը, այնպես էլ Գլխավոր դատախազությունը և Վրաստանի պատրիարքարանը:
«Ըստ էության քննարկվում է 225 հայտ, որոնք բավարարում են բոլոր չափանիշները: Կա ևս ավելի քան 200 հայտ, որոնք չեն բավարարում չափանիշները, բայց հանձնաժողովը քննում է նաև այդ հայտերը: Առաջիկա օրերին, երբ մենք ավարտենք աշխատանքը, երաշխավորագրեր կներկայացնենք նախագահին: Դրանից հետո նախագահը պետք է որոշում ընդունի, թե երբ է հրապարակվելու համարներման մասին փաստաթուղթը»,- հայտարարել է Կորիձեն:
Համաներման հանձնաժողովի անդամներն աշխատանքը կավարտեն մինչև շաբաթվա վերջը, հաղորդել է «Նովոստի Գրուզիա»-ն:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
