Ռուսաստանում տարվա քաղաքական գործիչը դարձյալ Վլադիմիր Պուտինն է
Աշխարհ
ՌԴ-ում կրկին տարվա քաղաքական գործիչ է դարձել Ռուսաստանի նախագահ Վլադիմիր Պուտինը՝ ստանալով ռուսաստանցիների 71 տոկոսի աջակցությունը: Այդ մասին, ինչպես տեղեկացնում է «Արմենպրես»-ը, հայտնել է Հասարակական կարծիքի ուսումնասիրման համառուսաստանյան կենտրոնի (ՀԿՈւՀԿ) վարչության նախագահ Կոնստանտին Աբրամովը:
«Ռուսաստանի նախագահ Վլադիմիր Պուտինն առաջատարն է հսկայական գերակշռությամբ, ինչպես և նախորդ տարիներին»,- ասել է նա:
Պուտինը ՀԿՈՒՀԿ-ի այդ վարկանիշի առաջատարն է տասնմեկերորդ տարին: Անցյալ տարի նրան տարվա քաղաքական գործիչ էր ճանաչել հարցման մասնակիցների 44 տոկոսը: Երկրորդ տեղում ՌԴ-ի արտաքին գործերի նախարար Սերգեյ Լավրովն է, ում տարվա քաղաքական գործիչ է համարում ռուսաստանցիների 8 տոկոսը: ՌԴ-ի կառավարության նախագահ Դմիտրի Մեդվեդևն ստացել է հարցվածների 5 տոկոսի աջակցությունը:
ՀԿՈւՀԿ-ի հարցմանը 1600 մարդ է մասնակցել ՌԴ-ի 46 սուբյեկտներում: Վիճակագրական սխալանքը չի գերազանցում 3,5 տոկոսը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
