Լավրովը նախազգուշացրել է Բելառուսին՝ Ռուսաստանի հետ առևտուրը եվրոյով և դոլարով իրականացնելու առիթով

Ռուսաստանի արտաքին գործերի նախարար Սերգեյ Լավրովը հայտնել է այն տեսակետը, որ Ռուսաստանի և Բելառուսի միջև առևտրի իրականացումը եվրոյով և դոլարով արդյունավետ չի լինի Բելառուսի տնտեսության համար: Այս մասին հայտնել է Газета.Ru-ն:

«Ինչ վերաբերում է Բելառուսին և առևտրային հաշվարկներում եվրոյի և դոլարի անցմանը, ապա մեր երկրների միջև զգալի ապրանքաշրջանառություն կա՝ Ռուսաստանի համար էական դրական մնացորդով: Այդ պատճառով, եթե այն սկսել իրականացնել արտարժույթով, կստացվի, որ Բելառուսը ստիպված կլինի վճարել իր արժութային պահուստներից»,- ասել է Լավրովը «Կոմերսանտ» թերթին տված հարցազրույցում:

Նա նշել է, որ արտաքին առևտրի հաշվեկշիռը Ռուսաստանի օգտին է:

«Եթե առևտուրն անցնի եվրոյի և դոլարի՝ ես չեմ կարծում, որ դա արդյունավետ կլինի, այդ թվում՝ բելառուսական տնտեսության առումով: Ես չեմ կարծում, որ այս սխեման կարող է կոնկրետ աշխատել»,- ասել է նախարարը:

Հիշեցնենք, որ Բելառուսի նախագահ Ալեքսանդր Լուկաշենկոն ցանկանում է Ռուսաստանի հետ հաշվարկներն իրականացնել դոլարով և եվրոյով: