Չինացի ուսանողներին և աշակերտներին արգելել են տոնել Սուրբ Ծնունդը

Չինաստանի Վենչժոու քաղաքի իշխանություններն արգելել են դպրոցներում և մանկապարտեզներում տոնական միջոցառումների անցկացումը: Այս մասին հայտնել է rosbalt.ru-ն:

Քաղաքի վարչակազմից հույս են հայտնել, որ ուսումնական հաստատությունները «կկարողանան ավելի շատ ուշադրություն դարձնել չինական ավանդական տոներին` արևմտյանների փոխարեն»:

Reuters-ի փոխանցմամբ` Չինական մեկ այլ քաղաքում համալսարանի ղեկավարությունը արգելել է ուսանողներին տոնել Սուրբ Ծնունդը` փոխարենը առաջարկելով քարոզչական ֆիլմերի դիտումը:

Ինչպես հաղորդել է Agence France-Presse- ը, այդ միջոցները կապված են արտասահմանյան ծագում ունեցող տոնի հետ, որն ավելի ու ավելի մեծ տարածում է ստանում բնակչության շրջանում: Իշխանությունները նշում են Չինաստանի քրիստոնյա բնակչության կտրուկ աճը, որի թիվն այժմ 60 միլիոն է: