Մարգվելաշվիլին հույս ունի «ռացիոնալ հարաբերություններ» հաստատել Պուտինի հետ
Աշխարհ
Վրաստանի նախագահ Գեորգի Մարգվելաշվիլին հույս ունի ժամանակի ընթացքում «ռացիոնալ հարաբերություններ» հաստատել Ռուսաստանի նախագահ Վլադիմիր Պուտինի հետ, տեղեկացնում է «Արմենպրես»-ը:
«Պուտինն այն մարդն է, որի հետ, հուսով եմ, ինչ-որ փուլում կհաստատվեն ռացիոնալ հարաբերություններ: Մինչ այդ ես չեմ ցանկանում փչացնել առկա հարաբերությունները՝ ավելորդություններ ասելով և անհարկի քաղաքավարի չլինելով»,- հայտարարել է Մարգվելաշվիլին «Իմեդի» հեռուստաընկերության եթերում:
Դրա հետ մեկտեղ Վրաստանի նախագահը Ռուսաստանի քաղաքականությունը որակել է «թշնամական ու ագրեսիվ» և նշել, որ պատրաստ է հանդիպել Պուտինի հետ, եթե երկխոսությունը ծավալվի կոնկրետ հարցերի շուրջ:
«Այսօր առկա է Ռուսաստանի հետ հարաբերությունների երկու ձևաչափ: Մեկը Ժնևի բանակցություններն են, երկրորդը՝ Աբաշիձեի և Կարասինի երկխոսությունը: Այդ ձևաչափերում քննարկվում են որոշակի հարցեր: Նախագահների հանդիպումը պետք է վերաբերի այնպիսի հարցերի, որոնք վեր են այդ հարցերից, իսկ նման հարցերը շատ են՝ տարածքային ամբողջականությունը, հարկադիր վերաբնակների խնդիրները և ուրիշներ»,- ասել է Մարգվելաշվիլին, հաղորդել է «Նովոստի Գրուզիան»:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
