Մալայզիայում ավելի քան 130 հազար մարդ է տարհանվել ջրհեղեղի պատճառով
Աշխարհ
Մալայզիայում գրեթե 132 հազար բնակիչ հարկադրված է եղել լքել իր տունը մոլեգնող ջրհեղեղի պատճառով: Ինչպես դեկտեմբերի 27-ին հաղորդել է ԲԵՌՆԱՄԱ լրատվական գործակալությունը, տարերքն արդեն ընդգրկել է թագավորության ութ նահանգ: Դրանցից մի քանիսում՝ Քելանթանում, Պահանգում, Ջոհորում, Պերակում, Տրենգանուում իրադրությունը վատթարանում է, տեղեկացնում է «Արմենպրես»-ը:
Սպասվում է, որ երկրի վարչապետ Նաջիբ Թուն Ռազակը դեկտեմբերի 27-ին կժամանի առավել տուժած Քելանթանի նահանգ, որտեղ անձամբ կվերահսկի գաղթականների տեղավորման աշխատանքները: Կառավարության ղեկավարը նախօրյակին ստիպված էր ընդհատել իր այցն ԱՄՆ և վերադառնալ հայրենիք:
Փրկարարները դժվարությամբ են հասնում հեռավոր շրջաններ, քանի որ շատ գետերի ջրի մակարդակը թույլատրելի առավելագույն նորմաները գերազանցում է մի քանի մետրով: Բացի այդ, օդային հաղորդակցությունը դժվարացած է անբարենպաստ եղանակային պայմանների պատճառով: Մինչդեռ օդերևութաբանները եղանակի հետագա վատացում են կանխատեսում հատկապես երկրի արևելքում, որտեղ կիրակի օրն սպասվում է տեղումների սաստկացում:
Տարվա այս ժամանակ Հարավարևելյան Ասիայի մի շարք երկրներում հաճախակի անձրևներ են դիտվում, սակայն Մալայզիայում դրանց ինտենսիվությունը ռեկորդային է դարձել վերջին տասը տարվա ընթացքում, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
