Պակիստանի բանակը ոչնչացրել է 39 գրոհայինի Աֆղանստանի հետ սահմանին

Պակիստանի Ռազմական օդանավերը և ցամաքային ուժերը ոչնչացրել են 39 զինյալի Աֆղանստանին սահմանակից տարածաշրջանում: Այս մասին հայտնել է Associated Press-ը` վկայակոչելով Պակիստանի բանակի հայտարարությունը:

«Ավիահարվածների արդյունքում պայթեցվել է ստորգետնյա թունելների համակարգը և ստորգետնյա պահոցը զենք ու զինամթերքի հետ», - ասվում է հաղորդագրության մեջ:

Պակիստանի զինվորականները նաև հաղորդում են զինյալների մի քանի ռազմատենչ հրամանատարների ոչնչացման մասին: