Իգուալայում, որտեղ կորել են 43 ուսանողներ, բողոքավորները հարձակվել են ռազմաբազայի վրա

Մեքսիկայում բողոքի ակցիայի մասնակիցները հարձակում են կատարել Իգուալա քաղաքի ռազմաբազայի վրա, քաղաք, որտեղ այս տարվա սեպտեմբերին կորել են 43 ուսանողներ:

Ինչպես տեղեկացնում Է «Արմենպրես»-ը՝ հղում անելով «Ասուշիեյթեդ պրես» գործակալությանը, մի քանի հարյուր ցուցարարներ բողոքի ակցիա են կազմակերպել քաղաքի ռազմաբազայի մոտ՝ զինվորական շրջանների ներկայացուցիչներին մեղադրելով երիտասարդների անհետանալու մեջ: Ուսանողների ծնողների խոսքով՝ զինվորականները ոչինչ չեն ձեռնարկել, որպեսզի կանխեն առեւանգումը:

Գործակալության տվյալներով՝ բողոքավորները նկարազարդել Էին ռազմակայանի պատերը եւ քանդել երկաթյա դարպասները, որոնք փակում են ռազմական օբյեկտի տարածք տանող ճանապարհը:

Դրան զուգահեռ բողոքի ակցիա Է տեղի ունեցել Մեքսիկայի մայրաքաղաք Մեխիկոյում: «Ֆրանսպրես» գործակալության տվյալներով՝ դրան մասնակցել Է շուրջ 3 հազար մարդ:

Այս տարվա սեպտեմբերին Իգուալայում ոստիկանների կողմից առեւանգվել Էին 43 ուսանողներ եւ հանձնվել ելուզակների ձեռքը: Իրադարձությունը տեղի Է ունեցել այն ժամանակ, երբ սովորողները ցանկանում Էին ցույց կազմակերպել կրթության բարեփոխման դեմ: Իգուալայի արդեն ձերբակալված նախկին քաղաքագլխի հրամանով՝ նրանց վրա հարձակում Է կատարվել, վեց մարդ սպանվել Է տեղում, եւս 43-ը կորել են:

Այն ժամանակվանից գտնվել եւ նույնականացվել Է առայժմ միայն կորածներից մեկի մնացորդները: Ավելի վաղ Մեքսիկայի գլխավոր դատախազ Խեսուս Մուրիլյո Կարամը հայտարարել Էր, որ ուսանողների անհետանալու գործով ձերբակալված կասկածյալները, խոստովանել են մի խումբ մարդկանց սպանությունը, հաղորդել Է ՌԻԱ Նովոստին: