Կալիֆոռնիայի ափի մոտ ամերիկացին ողջ է մնացել սպիտակ շնաձկան հարձակումից հետո

Կալիֆոռնիայում դեկտեմբերի 28-ին մեծ սպիտակ շնաձուկը հարձակվել է սերֆինգիստի վրա: Ինչպես տեղեկացնում է «Արմենպրես»-ը՝ հղում անելով Los Angeles Times թերթին, միջադեպը տեղի է ունեցել առավոտյան Խաղաղ օվկիանոսի ջրերում՝ Սան Լուիս Օբիսպո քաղաքի մերձակա լողափից ոչ հեռու:

50-ամյա տղամարդը գտնվել է ջրում՝ 12 մարզիկից բաղկացած խմբի հետ, երբ շնաձուկը բռնել է նրա ազդրը: Տղամարդը կարողացել է հետ մղել գիշատչի հարձակումը և դուրս գալ ափ: Բժիշկների տվյալներով՝ ստացված վերքերը վտանգ չեն ներկայացնում տուժածի կյանքի համար: Ականատեսների խոսքով՝ շնաձկան չափը կազմել է առնվազն երկու մետր, հաղորդել է ՏԱՍՍ-ը: