Դիսպետչերն AirAsia ինքնաթիռի անձնակազմին թույլ չի տվել փոխել թռիչքի բարձրությունը

Ինդոնեզիայի վերերկրյա ծառայությունները չեն թույլատրել AirAsia ավիաընկերության կորած օդանավի անձնակազմին տեղափոխվել այլ բարձրության վրա, քանի որ այնտեղ մեկ այլ օդանավ է եղել: Այս մասին հայտնել է ՏԱՍՍ-ը՝ վկայակոչելով Ինդոնեզիայի տրանսպորտի նախարարության օդային տրանսպորտի վարչության պետի պաշտոնակատար Ջոկո Մուրժամոջոյին:

Նրա խոսքով՝ տեղական ժամանակով մոտավորապես ժամը 06:12-ին, դիսպետչերն ստացել է հարցում օդանավի ընթացքը փոխելու վերաբերյալ՝ թռիչքի բարձրությունը հասցնել 11,5 հազար մետրի, ինչպես նաև ընթացքից շեղվել դեպի ձախ»: Սակայն, ինչպես ասել է Մուրժամոջոն, վերերկրյա ծառայություններից ստացվել է կարգադրություն. սոսկ շեղվել ձախ և թռիչքը շարունակել 9,7 հազար մետր բարձրության վրա, քանի որ պահանջված Էշելոնում գտնվում է այլ ինքնաթիռ»:

Դրանից գրեթե անմիջապես հետո, հիշեցրել է նա, A-320-200-ի հետ կապը կորել Է: Ենթադրվում է, որ դա տեղի է ունեցել Կալիմանտան (Բոռնեո) կղզու շրջանում: Ավելի վաղ նաև տեղեկացվել է, որ նավի հրամանատարը փորձել է շրջանցել փոթորկի ճակատը: