Էբոլա վիրուսի զոհերի թիվը հասել է 7842-ի. ԱՀԿ
Աշխարհ
Էբոլա վիրուսի հարուցած հիվանդության զոհերի թիվը հասել է 7842-ի, վարակված է 20 հազար 81 մարդ: Այդ մասին, ինչպես տեղեկացնում է «Արմենպրես»-ը, վկայում են Առողջապահության համաշխարհային կազմակերպության հրապարակած տվյալները:
ԱՀԿ-ի վիճակագրությամբ ներառված հիվանդանալու բոլոր դեպքերը վերաբերում են Արևմտյան Աֆրիկայի երեք երկրի՝ Գվինեային, Լիբերիային և Սիեռա Լեոնեին:
Իրադրությունն առավել ծանր է մնում Լիբերիայում, որտեղ մահացել է 3413 մարդ: Մինչդեռ Սիեռա Լեոնեում առավել մեծ է վարակվածների թիվը՝ 9409: Գվինեայում թե՛ մահացածների, թե՛ հիվանդացածների թիվը զգալիորեն ավելի պակաս է, քան վերը նշված երկու պետություններում և կազմում է համապատասխանաբար 1697 և 2695:
ԱՀԿ-ի տվյալներով՝ դեկտեմբերի 26-ից արևմտաաֆրիկյան այդ երեք երկրներում համաճարակի զոհերի թիվն ավելացել է 149-ով, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
