Աշխարհի ամենաերջանիկ երկիրը՝ ըստ Gallup-ի հարցումների

WIN/Gallup-ի անցկացրած հարցման տվյալների համաձայն՝ ուսումնասիրված 65 պետության բնակչության 70 տոկոսն իրեն երջանիկ մարդ է համարում, ինչը 10 տոկոսով ավելի է, քան նախորդ տարվա հարցման ժամանակ, տեղեկացնում է «Արմենպրես»-ը՝ հղում անելով BBC-ին:

Աշխարհի ամենաերջանիկ երկիրը Ֆիջին է, իսկ առավել դժբախտը՝ Իրաքը:

Աֆրիկան և Ասիան երջանիկ աշխարհամասերի վարկանիշի առաջատարներն են, իրենց մյուսներից պակաս երջանիկ են զգում Արևմտյան Եվրոպայի բնակիչները:

Ինչ վերաբերում է բնակչության՝ եկող տարվա հետ կապված ակնկալիքներին, ապա Gallup-ի հարցման համաձայն՝ առավել լավատեսական եվրոպական երկիրը Հունաստանն է:

Կազմակերպությունը հարցումն անցկացրել է չորս ամսվա ընթացքում՝ ամփոփելով 64 հազար մասնակցին պատասխանները: