Բրիտանացիները գաղտնազերծել են 1984 թվականին Գորբաչովի՝ Անգլիա կատարած այցի փաստաթղթերը
Աշխարհ
1984 թվականին խորհրդային ղեկավար Միխայիլ Գորբաչովի՝ Լոնդոն կատարած այցի և Մեծ Բրիտանիայի վարչապետ Մարգարետ Թետչերի հետ նրա բանակցությունների վերաբերյալ փաստաթղթերը գաղտնազերծվել են վաղեմության սահմանված 30-ամյա ժամկետը լրանալուց հետո: Այդ մասին, ինչպես տեղեկացնում է «Արմենպրես»-ը, դեկտեմբերի 30-ին հաղորդել է Rakyat Post թերթը:
Մասնավորապես, դրանցում նշվում է, որ «երկաթե տիկինը», ինչպես այն ժամանակ անվանում էին Թետչերին, Գորբաչովին բնութագրել է որպես մի մարդու, որի հետ «կարելի է գործ ունենալ»՝ Արևմուտքի և ԽՄՀՄ-ի միջև հարաբերությունները բարելավելու համար:
1984 թվականին ԱՄՆ-ի նախագահ Ռոնալդ Ռեյգանին հղած նամակում Մեծ Բրիտանիայի վարչապետը գրել է. «Նա (Գորբաչովը-խմբ.) բավականին անկեղծ է և ինտելիգենտ: Նա բարյացակամ է, ունի որոշակի հմայք և հումորի զգացում: Ես իրապես նրան համարում եմ մի մարդ, որի հետ կարելի է գործ ունենալ: Նա ինձ իրոք դուր եկավ»:
Դրա հետ մեկտեղ, Թետչերը նշել է. «Նա սովոր չէ քննարկելու այն խիստ հարցերը, որ ես տալիս էի նրան, այնպիսի հարցեր, ինչպիսին մարդու իրավունքների հարցն է Խորհրդային Միությունում», հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
