Թբիլիսիում երեխան շրխկանը պայթեցրել է քնած պապի բերանում

Թբիլիսիի անչափահաս բնակիչը հրատեխնիկական շրխկանը պայթեցրել է քնած պապի բերանում, տեղեկացնում է «Արմենպրես»-ը՝ հղում անելով Վրաստանի «Փիրվելի ռադիո» ռադիոկայանին:

Թոռը շրխկանով գաղտագողի մոտեցել է պապին, երբ նա քնել է հեռուստացույցի առաջ: Պատահարի հետևանքով տարեց տղամարդը լեզվի այրվածք է ստացել:

Ավելի վաղ Թբիլիսիի քաղաքագլուխ Դավիթ Նարմանիան մայրաքաղաքի բնակիչներին կոչ է արել հրավառելիք արձակել գիշեր ժամանակ և սոսկ տոն օրերին՝ շրջապատողներին չանհանգստացնելու համար, հաղորդել է «Նովոստի Գրուզիա»-ն: