Իրաքում թուրքական հետախուզության 12 աշխատակից է սպանվել
Աշխարհ
Իրաքի Մոսուլ քաղաքում սպանվել է Թուրքիայի ազգային հետախուզական կազմակերպության (MIT) 12 աշխատակից: Այս մասին, ինչպես հաղորդում է «Արմենպրես»-ը, հայտնում է թուրքական «Հուրիեթ» թերթը:
Նշվում է, որ թուրք հետախույզներին սպանել են իրաքյան Քրդստանի բանակի զինծառայողները՝ փեշմերգաները՝ շփոթելով նրանց «Իրաքի և Լևանտի իսլամական պետություն» (ԻԼԻՊ) ահաբեկչական խմբավորման մարտիկների հետ: Այլ մանրամասներ չի հաղորդվում: Հայտնի չէ, թե ի՞նչ գործ ունեին թուրք հետախույզները Մոսուլում:
2013 թվականին ԻԼԻՊ-ը ներթափանցել է Սիրիայի տարածք: Հետո խմբավորումը հայտարարել է «Ալ Կաիդա» միջազգային ահաբեկչական կազմակերպության կազմից իր դուրս գալու մասին: Այնուհետև ԻԼԻՊ-ը ջիհադ (սրբազան պատերազմ) է հայտարարել բոլոր իսլամիստական խմբավորումներին և Սիրիայի կառավարական զորքերին:
Սիրիայում ԻԼԻՊ-ի դիրքերի ուժեղացումը հանգեցրել է նրան, որ այն կարողացել է վերադառնալ Իրաք՝ ռազմական գործողություններ սկսելով այդ երկրի կառավարական ուժերի դեմ:
Այս տարվա հունիսի վերջին ԻԼԻՊ-ը հայտարարել է Իրաքի և Սիրիայի զավթած տարածքներում «Իսլամական պետություն՝ խալիֆայություն» ստեղծելու մասին: Իրաքի իշխանությունները դիմել են միջազգային հանրակցությանը՝ այդ ահաբեկչական կազմակերպության դեմ պայքարում իրենց օգնելու խնդրանքով:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
