Լիբանանում սպասվում է ձնաբուք

Առատ ձյան պատճառով տասնյակ ավտոմեքենաներ հունվարի 3-ին արգելափակվել են Լիբանանի լեռնանցքների վրա: Այս մասին հայտնել է ՏԱՍՍ-ը:

Բեյրութ-Դամասկոս ռազմավարական մայրուղու վրա ժամանակավորապես կասեցվել է շարժումը: Ստացվել է տեղեկատվություն Բեքաա տանող ճանապարհի սառցակալման մասին:

Լիբանանի հյուսիսում և բարձրադիր գոտիներում ջերմաստիճանն իջել է զրոյից ցածր:

Երկիրը պատուհասած փոթորիկը տեղական օդերևութաբանները անվանել են «Մանու»: Նրանց կանխատեսումներով` փոթորկին կհաջորդի ձնաբուք, որը կոչվում է «Զինա»:

Ձյունը կարգելափակի տրանսպորտային հաղորդակցությունը Լեռնալիբանանի բնակավայրերում:

Փոթորկոտ եղանակը կշարունակվի ամբողջ հաջորդ շաբաթվա ընթացքում: