Սան Ֆրանցիսկոյի ոստիկանների կողմից գնդակահարված տղամարդը մահացել է հիվանդանոցում
Աշխարհ
Սան Ֆրանցիսկոյում, ոստիկանության երկու սերժանտ գնդակահարել են մի տղամարդու, ով ներխուժել է ոստիկանության բաժանմունքի ավտոկայանատեղի: Այս մասին հայտնել է ՏԱՍՍ-ը` հղում անելով San Francisco Chronicle թերթին:
Պարբերականի փոխանցմամբ` 32-ամյա տղամարդուն նկատել են այն տարածքում, որտեղ մուտքը արգելված է օտարների համար: Ի պատասխան ոստիկանության աշխատակիցների տարածքը լքելու հրամանի` տղամարդը զենք է հանել, որը, ինչպես պարզվեց հետագայում, եղել է strikeball խաղի համար նախատեսված ատրճանակ:
Արդյունքում ոստիկանությունը կրակ է բացել: Ստացված վնասվածքների հետևանքով տղամարդը մահացել է հիվանդանոցում:
Սան Ֆրանցիսկոյի ոստիկանության բաժանմունքում հայտարարել են, որ 10 օրով հեռացրել են միջադեպի մեջ ներգրավված աշխատակիցներին` քննություն անցկացնելու նպատակով:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
