«Ալ-Քաիդան» և «Իսլամական պետությունը» նոր ահաբեկչություններ են պլանավորում Եվրոպայում. Պետդեպ
Աշխարհ
Ահաբեկչական խմբավորումները, այդ թվում, «Իսլամական պետությունը» (ԻՊ) և «Ալ-Քաիդան»,նոր ահաբեկչական հարձակումներ են պլանավորում Եվրոպայում: Այս մասին հայտնել է ՌԻԱ Նովոստին` հղում անելով ԱՄՆ պետդեպարտամենտին:
«Առկա տեղեկատվությունը ենթադրում է, որ ԻՊ-ը, «Ալ-Քաիդան», նրանց հետ փոխկապակցված կազմակերպությունները և այլ ահաբեկչական խմբավորումները շարունակում են պլանավորել ահաբեկչական հարձակումներ Եվրոպայում: Իշխանությունները կարծում են, որ Եվրոպայում ահաբեկչական հարձակման հավանականությունը բարձր է` հաշվի առնելով, որ ԻՊ-ի եվրոպացի անդամները վերադառնում են Սիրիայից և Իրաքից»,- հայտարարել են Պետդեպում:
Հաղորդագրությունում նշվում է, որ կա նաև սպառնալիք որևէ խմբավորման չպատկանող մարդկանցից, ովքեր ահաբեկչություններ են պլանավորում խոշոր ահաբեկչական կազմակերպությունների ազդեցության ներքո, սակայն իրականացնում են միայնակ:
ԱՄՆ իշխանությունները կոչ են արել իրենց քաղաքացիներին «զգույշ լինել»` հաշվի առնելով վերջերս տեղի ունեցած ահաբեկչական հարձակումները:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
