Իրանն սկսել է ծովամթերք մատակարարել Ռուսաստանին
Աշխարհ
Իրանն սկսել է ձուկ և ծովամթերք արտահանել Ռուսաստան: Այդ մասին, ինչպես տեղեկացնում է «Արմենպրես»-ը, հայտնել է Իրանա-ռուսական առևտրի պալատի ղեկավար Ասադոլլա Ասղարոլադին:
«Անցած շաբաթ մենք ձեռնամուխ ենք եղել Ռուսաստան ծովամթերք արտահանելու վերաբերյալ պայմանագրի իրականացմանը: Այժմ ռուսական շուկային մատակարարվում է ծովախեցգետին, խավիար և տարատեսակ ձկնամթերք»,-ասել է նա:
Ռուսաստան իրանական ձուկ և ծովամթերք արտահանելու վերաբերյալ պայմանավորվածությունը ձեռք է բերվել անցյալ տարի: 2014 թվականի դեկտեմբերին Ռոսսելխոզնադզորի պատվիրակության՝ Թեհրան կատարած այցի ընթացքում հաստատվել է 18 իրանական ձեռնարկություններից բաղկացած ցուցակը, որոնք ձկնամթերքի արտահանման իրավունք են ստացել:
Ռոսսելխոզնադզորում «Ինտերֆաքս» գործակալությանը հավաստել են մատակարարումների սկսվելը:
ՌԴ-ում Իրանի դեսպան Մեհդի Սանահին անցյալ տարվա վերջին հայտարարել էր, որ Թեհրանը և Մոսկվան պլանավորում են մոտ ապագայում ապրանքաշրջանառությունը հասցնել 70 մլրդ դոլարի, հիշեցնում են իրանական լրատվամիջոցները:
Ինչպես արդեն հաղորդվել է, ներկայում քննարկվում է նաև Ռուսաստանին իրանական կաթնամթերքի և մսամթերքի մատկարարման հնարավորությունը: Հնարավոր է նաև, որ Ռուսաստանն ընդլայնի հացահատիկի և փայտանյութի արտահանումը Իրան:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
