Ադրբեջանում երկգլխանի հորթ է ծնվել
Աշխարհ
Ադրբեջանի Ջալիլաբադի շրջանի Սաբիրաբադ գյուղում երկգլխանի հորթ է ծնվել, որը կենդանի է մնացել ընդամենը մի քանի րոպե:
Ինչպես հաղորդում է «Արմենպրես»-ը' վկայակոչելով ադրբեջանական ԶԼՄ-ները, արտառոց այդ իրադարձությունը տեղի է ունեցել Զահիր Շահբազովին պատկանող տնտեսությունում: Գյուղացու կովերից մեկը ծննդաբերել է երկգլխանի, յոթ ոտնանի և երկու պոչանի հորթ, որի սեռը հայտնի չէ: Հորթի ծնունդը տևել է մի ամբողջ օր: Վախենալով, որ դժվար ծննդաբերությունից կովը կարող է սատկել, վերջին պահին գյուղացին անասնաբույժ է հրավիրել, սակայն, վերջինիս չի հաջողվել փրկել հորթին: Զահիր Շահբազովը պատմել է, որ դրանից առաջ կովը երեք նորմալ հորթ էր ծնել, որոնք առողջ են եղել:
Մասնագետների կարծիքով՝ սաղմի նման ոչ նորմալ զարգացումը հիմնականում տեղի է ունենում այն դեպքերում, երբ բեղմնավորումը կատարվում է նույն մորից ծնված ցուլի կողմից: Նման հորթերը կամ սատկած են ծնվում, կամ ծնվելուց հետո շատ քիչ ժամանակ են ապրում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
