Միջազգային դաշինքը 1 օրում 27 օդային հարված է ուղղել Սիրիայում և Իրաքում ԻՊ-ի դիրքերի ուղղությամբ
Աշխարհ
Միջազգային դաշինքը 24 ժամվա ընթացքում Սիրիայում և Իրաքում «Իսլամական պետության» դիրքերի ուղղությամբ 27 օդային հարված է ուղղել:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Սիրիայում օդային հարվածների արդյունքում ոչնչացվել են ԻՊ-ի մարտական դիրքեր, Քոբանի քաղաքի մերձակայքում գտնվող շինություններ: Միևնույն ժամանակ վնասներ է կրել Դեր Զորի մերձակայքում գտնվող նավթավերամշակման գործարանը, ինչպես նաև Բուքմալի մերձակայքում ծանր զենքեր են ոչնչացվել:
Իրաքում ԻՊ-ի դիրքերի ուղղությամբ հասցվել են 16 օդային հարված, արդյունքում ոչնչացվել են մարտական դիրքեր, տանկեր, տարբեր տեսակի զենքեր, հրթիռներ և շինություններ: Հարվածներն ուղղվել են Բայջի, Կաիմ, Ռամադի, Թելաֆար, ալ Ասադ, Սինջար, Մոսուլ քաղաքների, ինչպես նաև Բաղդադի մերձակայքում գտնվող Թաջի շրջանի ուղղությամբ:
ԻՊ կազմակերպությունում ընդգրկվել են 80 երկրների մոջահեդներ: «Իսլամական պետություն» ծայրահեղական կազմակերպությունը համարվում է աշխարհի ամենավտանգավոր, ամենախոշոր և միևնույն ժամանակ ամենահարուստ ահաբեկչական կազմակերպությունը, որը կարճ ժամանակում հսկայական տարածքներ է գրավել Սիրիայում և Իրաքում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
