Charlie Hebdo-ի բաժանորդագրության ակտիվացումը ավելի քան 10 մլն եվրո Է բերել հրատարակությանը

Charlie Hebdo-ի թարմ համարի վաճառքը եւ այդ հանդեսի բաժանորդագրության ակտիվացումը հրատարակությանը թույլ են տվել ավելի քան 10 միլիոն եվրո ստանալ: Այս գումարը ներառում Է նաեւ տասնյակ հազարավոր քաղաքացիների կողմից միջոցների փոխանցումներն ահաբեկչական գործողությունից հետո, որի ընթացքում զոհվեց երգիծական հանդեսի խմբագրության աշխատակիցների մեծ մասը, տեղեկացնում Է «Արմենպրես»-ը:

Նախկին 60 հազար տպաքանակի փոխարեն նոր համարը նախ տպվել Է 1 միլիոն քանակով, այնուհետեւ տպաքանակն ավելացվել Է մինչեւ 3 միլիոն, իսկ հետո այն աճել Է մինչեւ ֆրանսիական մամուլի համար անհավանական ցուցանիշի՝ 5 միլիոն օրինակի: Գործի են դրվել երեք խոշոր տպարաններ:

Առաջին օրվա վաճառքները Charlie Hebdo-ին բերել են շուրջ 8 միլիոն եվրո: Նույն օրերին կտրուկ աճել Է նաեւ Charlie Hebdo-ի բաժանորդագրությունը՝ 7 հազարից մինչեւ 120 հազարի մակարդակ:

Ինչպես նշում Է ՏԱՍՍ-ը, նախկինում Charlie Hebdo-ին հաջողվում Էր շաբաթական վաճառել 28 հազար օրինակից ոչ ավելի, ինչի հետեւանքով հրատարակությունը հայտնվել Էր ֆինանսական սնանկացման եզրին: