Օբաման և Քեմերոնը շարունակելու են ճնշում գործադրել Ռուսաստանի վրա
Աշխարհ
ԱՄՆ նախագահ Բարաք Օբաման և Մեծ Բրիտանիայի վարչապետ Դևիդ Քեմերոնը հայտարարել են, որ կշարունակեն ճնշում գործադրել Ռուսաստանի վրա՝ դիվանագիտական ճանապարհով Ուկրաինայում ճգնաժամը կարգավորելու նպատակով: Այս մասին ասված է Մեծ Բրիտանիայի վարչապետ Դևիդ Քեմերոնի և ԱՄՆ-ի նախագահ Բարաք Օբամայի համատեղ հոդվածում, որը հունվարի 15-ին հրապարակել է Times-ը:
Երկու երկրի ղեկավարները խոստացել են պահպանել դիվանագիտական ճնշումը Ռուսաստանի վրա:
«Եթե մենք թույլ տանք միջազգային իրավունքի նման հիմնարար խախտումների անպատժելիություն, կտուժենք դրան հաջորդող անկայունությունից»,- պնդել են Քեմերոնն ու Օբաման:
«Մենք ոչ երկիմաստ ազդանշան ենք ուղարկել. միջազգային հանրությունը չի աջակցի Ուկրաինան ապակայունացնելու Ռուսաստանի փորձերին»,- հավելել են նրանք:
Մեծ Բրիտանիայի և ԱՄՆ-ի առաջնորդները մտադրություն են հայտնել շարունակել Կիևին օգնություն տրամադրել տնտեսության և ժողովրդավարության ամրապնդման գործում:
Համատեղ հոդվածը հրապարակվել է Միացյալ Նահանգներ Քեմերոնի այցից առաջ, որի ընթացքում նա Օբամայի հետ կքննարկի նաև կիբերանվտանգության հարցերը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
