ՀԱՊԿ-ի հավաքական ուժերի բոլոր վարժանքները կլինեն հանկարծական. Բորդյուժա

Հանկարծական ստուգումների սկզբունքը, որը հաջողությամբ է իրեն դրսևորել ռուսական բանակում, այժմ լայնորեն կկիրառվի նաև Հավաքական անվտանգության պայմանագրի կազմակերպության (ՀԱՊԿ) հավաքական ուժերի զորավարժություններ անցկացնելիս: Այս մասին, ինչպես տեղեկացնում է «Արմենպրես»-ը, «Կրասնայա զվեզդա» թերթում հրապարակված հարցազրույցում հայտնել է կազմակերպության գլխավոր քարտուղար Նիկոլայ Բորդյուժան:

«ՀԱՊԿ-ի հավաքական ուժերի համատեղ մարտական պատրաստությունն այժմ կիրականացվի նորամուծությունների օգտագործմամբ: Այսպես կոչված հանկարծակիության տարրը, որը վերջին ժամանակներս կիրառվում է ՌԴ-ի զինված ուժերում և ապացուցել է իր արդյունավետությունը, այժմ պարտադիր կարգով կկիրառվի նաև ՀԱՊԿ-ի հավաքական ուժերի համատեղ զինավարժանքների ընթացքում»,- ասել է նա:

Դա կապված է ամենից առաջ դրա բոլոր փուլերում գործողության իրականացումը կատարելագործելու անհրաժեշտության հետ՝ սկսած նախապատրաստումից, փոխադրումից և զինառայողներին զինավարժանքների վայրեր տանելիս սահմանների, ասել է ՀԱՊԿ-ի գլխավոր քարտուղարը: Ըստ ՏԱՍՍ-ի՝ նա հավելել է, որ աշխատանքի կարևոր ուղղություն է նաև ՀԱՊԿ-ի պետությունների բոլոր զինված ուժերի հանդերձումը համատեղելի սպառազինությամբ և ռազմական տեխնիկայով: