Կատուն փրկել է մանկիկին և դարձել ԶԼՄ-ների հերոսուհին
Աշխարհ
Օբնինսկում սիբիրյան ցեղատեսակի Մաշկա կատուն փրկել է սառնամանիքին փողոցում տուփի մեջ թողնված մանկիկին, տեղեկացնում է «Արմենպրես»-ը՝ հղում անելով ռուսական լրատվամիջոցներին:
Կատուն մի քան ժամ տաքացրել է 2-3 ամսական տղային: Տեղացի բնակիչները պատմում են, որ Մաշկան նաև մլավել է՝ փորձելով գրավել մերձակա տան բնակիչների ուշադրությունը:
Ի վերջո երեխային հայտնաբերել են և տարել հիվանդանոց, որտեղ պարզվել է, որ նրա մոտ բացակայում են գերսառեցման նշանները:
Շտապ օգնության բժիշկները ՌԵՆ ՏՎ հեռուստաալիքին պատմել են, որ կենդանուն այնքան է հուզել երեխայի ճակատագիրը, որ որոշ ժամանակ Մաշկան վազել է շտապօգնության մեքենայի հետևից:
Ոստիկանությունը որոնում է երեխայի ծնողներին: Daily Mail բրիտանական հրատարակությունը նշում է, որ տեղացի բնակիչները կատվին բառացիորեն հեղեղել են կերով:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
