Լոնդոնի քաղաքապետն ԱՄՆ ուղևորության համար համաձայնել է վճարել հարկը
Աշխարհ
Լոնդոնի քաղաքագլուխ Բորիս Ջոնսոնը համաձայնել է անշարժ գույքի վաճառքի առնչությամբ կապիտալի աճի հարկ վճարել ԱՄՆ-ի կառավարությանը, հաղորդում է «Արմենեպրես»-ը՝ հղում անելով The Telegraph-ին: Թերթի տվյալներով՝ հարկը կազմում է շուրջ 100 հազար ֆունտ:
Ավելի վաղ բրիտանացի քաղաքական գործիչն ԱՄՆ-ի պահանջները համարում էր «չափազանց վրդովեցուցիչ»: Ես հարկերն ամբողջությամբ կվճարեմ Մեծ Բրիտանիայում, որտեղ ապրում և աշխատում եմ»,- հայտարարել էր նա: Սակայն Լոնդոնի քաղաքագլուխն ստիպված է եղել փոխել որոշումը փետրվարին ԱՄՆ ծրագրված ուղևորության պատճառով:
Ջոնսոնը պարտավոր է հարկ վճարել Մեծ Բրիտանիայում իր տունը վաճառելու կապաւցությամբ, որը 1999 թվականին ձեռք է բերվել 470 հազար ֆունտով և 2009 թվականին վաճառվել 1,2 միլիոն ֆունտով: Լոնդոնի քաղաքագլուխը, ով ծնվել է Նյու Յորքում, ունի երկքաղաքացիություն: Մեծ Բրիտանիայում կապիտալի աճի հարկ գոյություն չունի, սակայն ԱՄՆ-ի օրենսդրության համաձայն՝ երկրի բոլոր քաղաքացիները պարտավոր են ներկայացնել հարկային հայտարարագիր և վճարել հարկեր՝ անկախ բնակության վայրից:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
