ԵԽԽՎ-ն Ադրբեջանի գծով նոր զեկուցող կնշանակի
Աշխարհ
Եկող շաբաթ հայտնի կդառնա Եվրոպայի Խորհրդի խորհրդարանական վեհաժողովի Մոնիտորինգային կոմիտեի Ադրբեջանի գծով նոր համազեկուցողի անունը: Այս մասին, ինչպես հաղորդում է «Արմենպրես»-ը, ադրբեջանական «Թրենդ»-ին հայտնել է համազեկուցող Ջոզեֆ Դեբոնո Գրեխը (Մալթա):
Նրա խոսքով' թեկնածուի անունը հայտնի կդառնա ԵԽԽՎ ձմեռային նստաշրջանի շրջանակում, որը կանցկացվի հունվարի 26-30-ն Ստրասբուրգում: Համազեկուցող Պեդրո Ագրամունտը (Իսպանիա) նոր տարում կշարունակի իր աշխատանքը:
Ջոզեֆ Դեբոնո Գրեխի լիազորությունները, ով այդ պաշտոնում աշխատել էր 5 տարի, ավարտվել են անցյալ տարվա նոյեմբերին:
ԵԽԽՎ Մոնիտորինգային կոմիտեի Ադրբեջանի գծով համազեկուցողներ Գրեխն ու Ագրամունտը հայտնի են իրենց ադրբեջանամետ կեցվածքով, և այդ երկրի հետ կապված ապակողմնորոշիչ և ոչ օբյեկտիվ զեկույցներով: Իրենց պաշտոնավարման տարիներին նրանք Ադրբեջանում կեղծված և միջազգային դիտորդական կազմակերպությունների կողմից բացասական գնահատված բոլոր ընտրությունները ներկայացրել են որպես միջազգային չափանիշներին «համապատասխանող»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
