Համացանցում հայտնվել է Disney-ի «Մոխրոտիկի» թրեյլերը

Disney ընկերության «Մոխրոտիկը» ֆիլմի թրեյլերը հրապարակվել է ստուդիայի YouTube-ի ալիքում: Համաշխարհային պրեմիերան պետք է կայանա փետրվարի 13-ին Բեռլինի կինոփառատոնում: Կինոնկարը լայն վարձույթ դուրս կգա մարտի 13-ին, տեղեկացնում է «Արմենպրես»-ը:

Երկուրոպեանոց տեսահոլովակում ներկայացված է հեքիաթի սյուժեն՝ որոշ շեղումներով: Օրինակ՝ գլխավոր հերոսուհին արքայազնի հետ ծանոթանում է մինչև պարահանդեսը. նրանք հանդիպում են անտառում թագավորական որսի ժամանակ:

Ֆիլմում գլխավոր դերերը կատարել են Լիլի Ջեյմսը («Դաունթոնի աբբայությունը», «Տիտաններնի զայրույթը») և Ռիչարդ Մեդենը («Գահերի խաղը»): Չար խորթ մոր դերը խաղացել է Քեյթ Բլանշեթը, իսկ բարի դիցանուշինը՝ Հելենա Բոնեմ Քարտերը:

Ռեժիսորը բրիտանացի Քենեթ Բրանան է, որը մասնագիտացել է պատմական և գրական կինոյի բնագավառում, օրինակ, Շեքսպիրի պիեսների էկրանավորումներում:

ԱՄՆ-ում էլեկտրոնային տոմսերի խոշորագույն վաճառող Fandango ընկերությունը «Մոխրոտիկը» համարել է 2015 թվականին ընտանեկան ֆիլմերից ամենասպասվածներից մեկը:

Disney ընկերությանն է պատկանում Մոխրոտիկի մասին հեքիաթի ամենահայտնի մուլտիպլիկացիոն տարբերակներից մեկը, որն էկրան է բարձրացել 1950 թվականին: