«Հրապարակ». ՍԱՊԾ ղեկավարը դասեր է քաղել նախորդի սխալներից

«Սննդի անվտանգության պետական ծառայության ղեկավար Արմեն Հայրապետյանը՝ «Սամսունգի Արմենը», դասեր է քաղել իր նախորդի՝ Աբրամ Բախչագուլյանի սխալներից և մտերմացել է «Իրազեկ և պաշտպանված սպառող» ՀԿ ղեկավար Բաբկեն Պիպոյանի հետ, ով նախկինում աշխատում էր ՍԱՊԾ-ում՝ որպես մամուլի խոսնակ, սակայն պետի հետ կոնֆլիկտի պատճառով աշխատանքից ազատվեց, հետո ՀԿ բացեց ու պաշտպանում էր սպառողների իրավունքները՝ «օր ու արև» չտալով Բախչագուլյանին: Գրում է «Հրապարակ»-ը:

Եվ ահա. Արմեն Հայրապետյանն իրեն ապահովագրել է Բաբկեն Պիպոյանի «թունավոր նետերից»: Կարծես դա նրան հաջողվել է, համենայնդեպս, ՀԿ ղեկավարն այլևս խստորեն չի քննադատում ՍԱՊԾ պետին և ծառայությունը: ՍԱՊԾ թերթի աղբյուրը պատմեց, որ Պիպոյանը երբեմն այցելում է Հայրապետյանին և խորհուրդներ տալիս նրան: Ի դեպ, Հայրապետյանը նշանակվելուն պես մի շարք աշխատակիցների հասկացրել է, որ չի ցանկանում աշխատել նրանց հետ: Աշխատանքից ազատվել են սահմանային հսկիչ կետերի համակարգման բաժնի պետը, ծառայության պետի խորհրդականը, մամուլի խոսնակը: Իսկ նախկին աշխատավայրից՝ սփյուռքի նախարարությունից, առողջապահության նախկին նախարար Դերենիկ Դումանյանի որդուն՝ Արթուր Դումանյանին, նշանակել է աշխատակազմի ղեկավարի տեղակալ:

Շարունակությունը՝ թերթի այսօրվա համարում։