Վրաստանի և ՌԴ-ի ավիաընկերությունները Թբիլիսի-Մոսկվա 18-ական չվերթ կկատարեն մինչև մարտի 28-ը

Վրաստանի և ՌԴ-ի ավիաընկերությունները Թբիլիսի-Մոսկվա-Թբիլիսի երթուղով շաբաթական 18-ական չվերթ կկատարեն մինչև մարտի 28-ը: Այդ մասին, ինչպես տեղեկացնում է «Արմենպրես»-ը, մարտի 4-ին հաղորդել է «Ռուսթավի-2» վրացական հեռուստաընկերությունը: Նրա տվյալներով՝ ներկայումս վրացական և ռուսական կողմերը ավիափոխադրումնների շուրջ բանակցությունների ընթացքում որոշում են ընդունել պահպանել «18 առ 18» հաճախականությունը՝ մինչև վերջնական որոշման ընդունումը, որը վերստին հետաձգվել է:

Ռուսաստանի և Վրաստանի միջև կանոնավոր ուղղակի ավիահաղորդակցությունը չեղյալ է հայտարարվել 2006 թվականին երկու երկրի միջև հարաբերությունների սրվելուց հետո, այնուհետև որոշ ժամանակով վերականգնվել է 2000 թվականին, ապա դարձյալ ընդհատվել է օգոստոսյան իրադարձություններից և երկրների միջև դիվանագիտկան հարաբերությունների խզումից հետո:

Կանոնավոր հաղորդակցությունը վերականգնելու որոշումն ընդունվել է 2014 թվականի սեպտեմբերին: Վրաստանի և Ռուսաստանի միջև ուղղակի ավիահաղորդակցության վերկանգնումից հետո կանոնավոր ավիաչվերթներ է իրականացնում չորս ավիաընկերություն: Դրանցից երեքը ռուսական են՝ «Սիբիր»-ը, «Տրանս-Աերո»-ն և «Աէրոֆլոտ»-ը, իսկ մեկը վրացական՝ Airzena - Georgian Airways-ը, հաղորդել է «Նովոստի Գրուզիա»-ն: