Հայաստանի, Վրաստան և Ադրբեջանի համույթները հանդես կգան W.O.A. Metal-Battle Caucasus երաժշտական մենամարտում

Թբիլիսիում ապրիլի 24-26-ին բաց երկնքի տակ տեղի կունենա Tbilisi JAM! Fest 2015 միջազգային երաժշտական փառատոնը, և Վրաստանի մայրաքաղաքը մի քանի օրով կվերածվի Rock&Metal մշակույթի կենտրոնի:

Ինչպես տեղեկացնում է «Արմենպրես»-ը՝ հղում անելով «Նովոստի Գրուզիային», փառատոնին կմասնակցեն 10 երկրի հայտնի կատարողներ և ծագող աստղեր՝ Dead by April-ը (Շվեդիա), Vader-ը (Լեհաստան), Dairy of Dreams-ը (Գերմանիա), ՍԼՕՏ-ը (Ռուսաստան), The Fading-ը (Իսրայել), Highland-ը (ԱՄՆ) և որիշներ:

Փառատոնը կանցկացվի Լիսի լճի մերձակայքում: Միջոցառման նշանաբանն է՝ «Ո՛չ բռնությանը»:

Tbilisi JAM! Fest 2015-ի գործընկերն է Wacken Open Air եվրոպական փառատոնը: Թբիլիսիում Վրաստանի, Հայաստանի և Ադրբեջանի համույթները միմյանց մարտահրավեր կնետեն W.O.A. Metal-Battle Caucasus երաժշտական մենամարտում: Հաղթողը կուղևորվի Գերմանիա՝ Wacken Open Air-ում ներկայացնելու Հարավային Կովկասը:

Իսկ փառատոնի այցելուներին, երաժշտական ելույթներից բացի, սպասում են բայքերների շոուն, հրավառություն, բարբեքյու բաց երկնքի տակ, մարզական մրցումներ ու մրցույթներ, մրցանակներ ինչպես նաև հայտնի կատարողների հետ լուսանկարնելու հնարավորություն: