Լավագույն ֆիլմի համար MTV-ի պարգևն ստացել է «Մեղավոր են աստղերը»

Գիտություն և Մշակույթ 13 Ապրիլ, 2015 22:27

Լոս Անջելեսում MTV Movie Awards-ի հանձնման արարողության ժամանակ, որը տեղի է ունեցել ապրիլի 12-ին, տարվա լավագույն ֆիլմ է ճանաչվել «Մեղավոր են աստղերը» կինոնկարը, տեղեկացնում է «Արմենպրես»-ը:

Ռեժիսոր Ջոշ Բունի «Մեղավոր են աստղերը» ֆիլմը նկարահանվել Է ըստ Ջոն Գրինի համանուն վեպի: Կինոնկարում պատմվում է քաղցկեղով հիվանդ դեռահասների հարաբերությունների մասին:

Այս ֆիլմում գլխավոր դերակատարուհի Շեյլին Վուդլին ստացել Է MTV-ի պարգևը«Լավագույն դերասանուհի» կատեգորիայում: Նա նաև բեմ Է բարձրացել, որպեսզի ստանա ֆիլմում լավագույն համբույրի համար արձանիկը: Կինոնկարում նրա զույգը և այս պարգևի երկրորդ մրցանակակիր Էնսել Էլգորտը չի կարողացել ներկա լինել արարողությանը:

Լավագույն դերասան Է ճանաչվել Բրեդլի Քուպերը, որը կատարել Է գլխավոր դերը Քլինթ Իսթվուդի «Դիպուկահարը» ֆիլմում: «Լավագույն Էկրանային դուետ» կատեգորիայում պարգևն ստացել են Զաք Էֆրոնը և Դեյվ Ֆրանկոն «Հարևաններ: Պատերազմի արահետին» ֆիլմում կատարած դերերի համար:

Նաև պարգևներ են հանձնվել այնպիսի կատեգորիաներում, ինչպիսիք են «Լավագույն չարագործը» (հաղթել Է Մերիլ Սթրիփը «Որքան ավելի հեռու դեպի անտառ» ֆիլմում կատարած դերի համար), «Առանց վերնաշապկի Էկրանին լավագույնս հայտնվելու համար» (Զաք Էֆրոն, «Հարևաններ: Պատերազմի արահետին»):

«Էկրանային լավագույն վերամարմնավորման համար» մրցանակը շնորհվել Է դերասանուհի Էլիզաբեթ Բենքսին «Սոված խաղեր. Ճայ-ծաղրասարյակը: Մաս 1-ին» ֆիլմի համար:

Ինչպես նշում Է «Ինտերֆաքս»-ը, MTV Movie Awards-ի պարգևների մրցանակակիրներին որոշում են հանդիսականները: Մրցանակները պատրաստված են ոսկե ադիբուդիով բաժակի տեսքով: