«Հրապարակ». Համաներումը հետաձգվում է

Ցեղասպանության 100-ամյա տարելիցին ընդառաջ հայտարարվելիք համաներումը կարծես հետաձգվում է: «Հրապարակ»-ին  տեղեկություններ են հասել, որ իշխանությունները մտադիր են համաներումը տեղափոխել մայիս:

Նախապես ծրագրված էր համաներումը հայտարարել մինչև ապրիլի 24-ը, բայց «Հիմնադիր խորհրդարանի» անդամների ձերբակալությունը խախտել է բոլոր խաղաքարտերը: Մինչև ապրիլի 24-ը համաներում հայտարարելու դեպքում դա կազդի նաև Ժիրայր Սեֆիլյանի և նրա ընկերների վրա, ինչը, բնականաբար, իշխանությունների սրտով չէ, նրանք ՀԽ անդամներին ձերբակալել են, որպեսզի վերջիններս «չփչացնեն» ապրիլի 24-ը:

Այժմ թերթի աղբյուրները վստահեցնում են, որ համաներումը կլինի մայիսի սկզբին: Այս տեղեկատվությունը, սակայն, որևէ կերպ հնարավոր չէ պարզել իրավասու մարմիններից, նախագահական նստավայրում և արդարադատության նախարարությունում նման դեպքերում շարունակ կրկնում են. «Կլինի՝ կիմանաք»:

Շարունակությունը՝ թերթի այսօրվա համարում: