Իսլամիստների կողմից իրաքյան հնագույն Նիմրուդի ոչնչացումը բարբարոսություն է. ՅՈՒՆԵՍԿՕ
Գիտություն և Մշակույթ
ՅՈՒՆԵՍԿՕ-ի գլխավոր տնօրեն Իրինա Բոկովան երկուշաբթի օրը դատապարտել է Իրաքի հնագույն Նիմրուդ քաղաքի ոչնչացումը՝ փոխանցում է ՏԱՍՍ-ը: Նա վստահեցրել է, որ միջազգային կազմակերպությունը հնարավոր ամեն ինչ կանի «մեղավորներին գտնելու և նրանց պատասխանատվության ենթարկելու համար»:
«Ես դատապարտում եմ այդ ավերիչ բարբարոսական հարձակումը, որը խորացնում է տեղի ունեցողի սարսափը,- հայտարարել է Բոկովան:- Ահաբեկիչներն ավերում են ոչ միայն արձաններ և քանդակներ: Կռանների և պայթուցիկների միջոցով նրանք ոչնչացնում են հենց քաղաքը՝ երկրի երեսից Իրաքի ժողովրդի պատմության բոլոր հետքերը ջնջելու հաստատուն մտադրությամբ»:
Բոկովան համերաշխություն է հայտնել Իրաքի ժողովրդին ու կառավարությանը և նշել, որ միջազգային կազմակերպությունը մտադիր է համակարգել համաշխարհային հանրության ջանքերը մշակութային արժեքների անօրինական շրջանառության դեմ պայքարում:
«Մշակութային ժառանգության միտումնավոր ոչնչացումը ռազմական հանցագործություն է»,- նշել է Բոկովան:- Մենք հնարավոր ամեն ինչ կանենք այդ չարիքի դեմ պայքարելու և տեղի ունեցած դեպքերը փաստագրելու համար՝ մեղավորներին գտնելու և նրանց պատասխանատվության ենթարկելու նպատակով»:
Նիմրուդ քաղաքում առաջին ավերածությունները կատարվել են մարտի սկզբին:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
