Մեծ Բրիտանիայի ռեստորանները և խանութները «տոնում են» արքայադստեր ծնունդը

Մեծ Բրիտանիայի ռեստորանները, ֆիրմաները և խանութներն արքայադուստր Շառլոտայի լույս աշխարհ գալը «նշում են» տոնական ակցիաներով, նվերներով և զեղչերով, տեղեկացնում է «Արմենպրես»-ը: Pizza Hut ցանցի մի քանի ռեստորաններ աղջկա անվան հայտարարումից հետո անվճար ճաշեր են խոստացել արքայադստեր անվանակից առաջին հարյուր հաճախորդուհիներին:

Համանման ակցիաներ են անցկացվում նաև Սուրբ Մարիամի հիվանդանոցից ոչ հեռու գտնվող ռեստորաններում և բարերում, հիվանդանոց, որտեղ ծնվել է երեխան:

Արքայադստեր ծննդից մեկ օր էլ չանցած վաճառքում հայտնվել են «Նա աղջիկ է» մակագրություններով մարզաշապիկներ, իսկ երբ հայտնի է դարձել անունը, Yorkshire Tea թեյի ընկերությունը թողարկել է հատուկ թեյ Charlotte's Tea անվանումով: Բիսքվիտների հայտնի արտադրող Walkers-ը վաճառում է "Royal birth" թխվածքաբլիթների հուշանվերային տուփեր:

«Շառլոտա» անունն այս օրերին զարդարել է նաև լոնդոնյան հռչակավոր որոշ տաքսի-քեբերի:

Վարդագույնը դարձել է Մեծ Բրիտանիայի խանութների պրոմ-ակցիաների հիմնական գույնը:

Ավելի վաղ Լոնդոնի քաղաքապետարանի London&Partners փիար ընկերության ղեկավար Գորդոն Ինսը հայտարարել է, որ Քեմբրիջի դքսի և դքսուհու երկրորդ երեխայի ծնունդը կօգնի Լոնդոն ներգրավել ռեկորդային քանակությամբ զբոսաշրջիկների: Նրա խոսքով՝ 2015 թվականին արտասահմանից և Մեծ Բրիտանիայի մյուս տարածաշրջաններից Լոնդոն այցելած զբոսաշրջիկների թիվը կկազմի շուրջ 32 միլիոն, ինչը կգերազանցի 2013 թվականի արդյունքը, երբ ծնվել էր արքայազն Ուիլյամի և նրա տիկնոջ Քեյթի ավագ որդին՝ արքայազն Ջորջը: Այն ժամանակ Մեծ Բրիտանիայի մայրաքաղաք էր այցելել 29,1 միլիոն մարդ, հ աղորդել է ՌԻԱ Նովոստին: