Հռոմի գլխավոր օդանավակայանը փակ է` բռնկված հրդեհի պատճառով

Հռոմի Ֆյումիչինո օդանավակայանի երրորդ տերմինալի ուղեբեռի բաժանմունքում հրդեհ է բռնկվել: Կրակը տեղայնացվել է, բայց այն դեռևս չեն մարել: Օդանավակայանը փակ կլինի առնվազն մինչև տեղական ժամանակով ժամը 2-ը, հաղորդում է Reuters-ը:

Հաղորդվում է, որ հրդեհի վայրում աշխատում է 20 հրշեջ մարտական հաշվարկ:

Նախնական տվյալներով՝ հրդեհի հետևանքով 3 մարդ է տուժել. նրանք թունավորվել են շմոլ գազից:

Ֆյումիչինո օդանավակայանում բոլոր չվերթները չեղյալ են հայտարարվել: