Նեպալի գրեթե 1 մլն երեխաներ ուսումը չեն կարողանա շարունակել դպրոցների ավերվելու պատճառով. ՅՈՒՆԻՍԵՖ

Նեպալի գրեթե 1 մլն երեխաներ չեն կարողանա շարունակել ուսումը, քանի որ երկրաշարժի պատճառով ավերվել կամ լրջորեն վնասվել են դպրոցական շենքերը: Այդ մասին, ինչպես տեղեկացնում Է «Արմենպրես»-ը, հաղորդել Է ՄԱԿ-ի Մանկական հիմնադրամը (ՅՈՒՆԻՍԵՖ): Տարերային աղետի պատճառով ընդհատված պարապմունքնե րը պլանավորվում Է վերսկսել մայիսի 15-ին:

«Նեպալում առնվազն 650 հազար երեխաներ չեն կարողանա վերադառնալ դպրոցներ, եթե շտապ կարգով ժամանակավոր հարկաբաժիններ չտրամադրվեն ուսումնառության համար և չնորոգվեն ապրիլի 25-ի երկրաշարժի հետևանքով ավերված դպրոցական շենքերը»,- ասված Է ՅՈՒՆԻՍԵՖ-ի մամուլի տեղեկագրում: Հիմնադրամի տվյալներով՝ երկրում վնասվել կամ ոչնչացվել Է գրեթե 24 հազար դասարան և ուսումնական լսարան:

Ամենից շատ են տուժել Գորկա, Սինդհուպալչոկ և Նուվակոթ շրջանները, որոնց տարածքներում ավերվել Է դպրոցների ավելի քան 90 տոկոսը: «Շենքերի ավելի քան 80 տոկոսը փլվել Է Դհադինգում»,- նշել են ՅՈՒՆԻՍԵՖ-ում: Դրա հետ մեկտեղ Կատմանդուում և Բհակտապուրում ուսումնական հաստատությունների ճնշող մեծամասնությունն օգտագործվում Է որպես օթևանից զրկված ընտանիքների ասպաստարան:

Մանկական հիմնադրամի փորձագետների երկյուղում են, որ երկրաշարժի հետևանքով կարող են սպառնալիքի տակ հայտնվել կրթական ոլորտի այն հաջողությունները, որոնք Նեպալում ձեռք են բերվել վերջին 25 տարում: 1990 թվականից ի վեր նախնական կրթություն ստացած նեպալցիների թիվն 64 տոկոսից աճել Է մինչև 95 տոկոս:

Նեպալի Կարմիր խաչի տվյալներով՝ երկրում երկրաշարժի զոհերի թիվը մայիսի 7-ին գերազանցել Է 8,4 հազարը, տուժել Է 17 հազար 576 մարդ: Նեպալի Կարմիր խաչի տեղեկատվությունը տարբերվում Է երկրի իշխանությունների պաշտոնական վիճակագրությունից: Այսպես, Արտակարգ իրավիճակների ազգային կենտրոնն ավելի վաղ հաղորդել Է 7 հազար 759 զոհվածների և 16 հազար 432 տուժածների մասին:

7,9 մագնիտուդով երկրաշարժը ապրիլի 25-ին տեղի է ունեցել Նեպալի արևմտյան տարածաշրջանում՝ մայրաքաղաք Կատմանդուից 84 կիլոմետր հեռավորության վրա: Երկրաշարժի օջախը եղել է 15 կիլոմետր խորության վրա: Հիմնական երկրաշարժից հետո գրանցվել են 3,2-ից մինչև 6,9 մագնիտուդով շուրջ 90 հետցնցումներ: Նեպալի իշխանությունների տեղեկատվության համաձայն՝ ամբողջովին ավերվել է ավելի քան 288 հազար բնակելի շենք, վնասվել է ևս ավելի քան 254 հազար շինություն, հաղորդել Է ՏԱՍՍ-ը: