Օբաման դարձել է ԱՄՆ բոլոր նահանգները այցելած 4-րդ նախագահը

ԱՄՆ նախագահ Բարաք Օբաման դարձել է երկրի 4-րդ նախագահը, ով նախագահության ընթացքում այցելել է ամերիկյան բոլոր` 50 նահանգները: Այս մասին հայտնում է BBC-ն:

Վերջին նահանգը, որն այցելել է Օբաման իշխանության ղեկին գտնվելու 6.5 տարիներին, դարձել է Հարավային Դակոտան, որտեղ պետության ղեկավարը ելույթով է հանդես եկել Ուոթերթաուն քաղաքի քոլեջի ուսանողների առջև:

Այդ տարածաշրջանը համարվում է Հանրապետական կուսակցության պատվար և արդեն երկար տարիներ չի քվեարկել դեմոկրատների օգտին:

Ամերիկացի նախագահ Ռիչարդ Նիքսոնը, ով իշխանության ղեկին է եղել 1969-1974թթ., այցելել է ԱՄՆ բոլոր նահանգներն առնվազն 3 տարվա ընթացքում: