Կրեմլ. Պուտինի և Էրդողանի միջև շփում առայժմ չի պլանավորվում
Աշխարհ
ՌԴ և Թուրքիայի ղեկավարներ Վլադիմիր Պուտինն ու Ռեջեփ Թայիբ Էրդողանը պահպանում են լավ հարաբերություններ, սակայն մոտ ժամանակներս նրանց միջև շփում պլանավորված չէ: Ինչպես տեղեկացնում է «Արմենպրես»-ը՝ վկայակոչելով ՏԱՍՍ գործակալությունը, այդ մասին հայտնել է ՌԴ նախագահի օգնական Յուրի Ուշակովը:
«Առայժմ չի պլանավորվում»,- ասել է նա՝ պատասխանելով երկու երկրների ղեկավարների միջև հեռախոսազրույցի հնարավորության վերաբերյալ հարցին: «Թուրքերի կողմից առայժմ հայց չի ներկայացվել»,- նշել է Ուշակովը:
«Սկզբունքորեն՝ նրանց միջև լավ անձնական հարաբերություններ են, չի բացառվում, որ հետագայում՝ այս, կամ այն փուլում զրույց տեղի ունենա»,- ասել է պաշտոնյան:
Էրդողանի հետ մայիսի 8-ին կազմակերպված հանդիպման մասնակիցներից մեկը՝ պատմաբան Մուստաֆա Արմաղանը Millet թերթին տված հարցազրույցում հայտարարել էր «Ռուսաստանի հետ հարաբերությունների հնարավոր վերանայման մասին, ինչը կարող է բերել դիվանագիտական հարաբերությունների իջեցման՝ մինչև գլխավոր հյուպատոսի մակարդակի»: Հետագայում պատմաբանն ընդունել էր իր սխալը. «Հավանաբար, ես սխալ եմ հասկացել նախագահի խոսքերը՝ նման ձեով դրանք փոխանցելով մամուլին»,- հայտարարել էր նա: Դա հաստատել էր նաև Էրդողանի մամուլի ծ առայությունը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
