Թուրքիայի ԱԳՆ-ն դատապարտել է Լիբիայի ափերի մոտ թուրքական նավի վրա հարձակումը
Աշխարհ
Լիբիայի տարածքից թուրքական բեռնատար նավի ուղղությամբ արձակված կրակոցների հետևանքով մահացել է կապիտանի 3-րդ օգնականը, անձնակազմի անդամների շրջանում կան վիրավորներ: Այս մասին հայտնում է Թուրքիայի արտաքին գործերի նախարարությունը` փոխանցում է ՌԻԱ Նովոստին:
Հարձակումը տեղի է ունեցել մայիսի 10-ի երեկոյան: ««Թունա- 1» նավը, որի վրա եղել է Կուկի կղզիների դրոշը, սակայն որը պատկանում է թուրքական ընկերությանը, Իսպանիայից ուղևորվել է Լիբիայի Թոբրուկ նավահանգիստ: Երբ նավը գտնվել է միջազգային ջրերում, նրա ուղղությամբ կրակահերթ է բացվել ափից»,- նշել են նախարարությունից:
Կրակահերթից հետո կապիտանը փորձել է հեռանալ Լիբիայի ներքին ջրերի սահմաններից, սակայն նավը ենթարկվել է երկու ավիահարձակումների, որոնց հետևանքով մահացել է կապիտանի 3-րդ օգնականը, վիրավորվել են անձնակազմի անդամները:
Թուրքիայի ԱԳՆ-ն խստորեն քննադատել է «նման հանդուգն վերաբերմունքը քաղաքացիական նավի հանդեպ», որը նավարկում է միջազգային ջրերում։ Գերատեսչությունը հայտարարել է, որ սպասում է Լիբիայի իշխանությունների շտապ հետաքննությանը։ Նշվում է նաև, որ Թուրքիան իրեն իրավունք է վերապահում փոխհատուցում պահանջել` համաձայն միջազգային իրավունքի:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
