Վրաստանի տնտեսական դրությունը բարդ է, բայց շտկելի. ՎԶԵԲ-ի նախագահ
Աշխարհ
Վերակառուցման և զարգացման եվրոպական բանկի նախագահ Սումա Չակրաբարտին հայտարարել Է, որ Վրաստանի տնտեսական դրությունը բավականին բարդ Է, բայց միևնույն ժամանակ շտկելի, տեղեկացնում Է «Արմենպրես»-ը:
ՎԶԵԲ-ի նախագահը Թբիլիսի Է ժամանել բանկի տարեկան հանդիպման և գործարար համաժողովի շրջանակներում: Չակրաբարտին պլանավորում Է հանդիպումներ անցկացնել Վրաստանի նախագահի, վարչապետի և նախարարների կաբինետի անդամների հետ:
«Վրաստանի տնտեսական դրությունը բարդ Է, բայց շտկելի: Տնտեսական աճը դանդաղել Է, ինչը պայմանավորված Է Ռուսաստանի տնտեսական իրադրությամբ: Մենք տեսնում ենք, որ այս երկիրը ներուժ ունի: Հենց դրա համար Էլ մենք տարածաշրջանում ամենից ավելի ներդրումներն իրականացնում ենք Վրաստանում: Կարծում եմ՝ ազգային բանկն ու կառավարությունը կկարողանան շտկել իրադրությունը»,- հայտարարել Է ՎԶԵԲ-ի նախագահը մամուլի ասուլիսում:
Ըստ ՌԻԱ Նովոստիի՝ Չակրաբարտին նաև նշվել Է, որ շաբաթվա վերջին ՎԶԵԲ-ը կներկայացնի իր կանխատեսումը երկրի տնտեսական աճի վերաբերյալ: Նրա խոսքով, ենթադրվում Է, որ 2015 թվականի համար կանխատեսումը կլինի նույնը, ինչ և ընթացիկ տարվա հունվարին՝ 4,2 տոկոս:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
