Սուեզի նոր ջրանցքի բացումը կլինի օգոստոսի 6-ին
Աշխարհ
Սուեզի նոր ջրանցքի բացումը կկայանա այս տարվա օգոստոսի 6-ին: Այս մասին, ինչպես տեղեկացնում է «Արմենպրես»-ը, հայտարարել է Եգիպտոսի նախագահ Աբդել Ֆաթահ աս Սիսին՝ ելույթ ունենալով պետական հեռուստատեսությամբ:
«Այս պահին լիովին ավարտված են նոր ջրանքի հունի անցկացման աշխատանքները, ինչպես նաև 65 տոկոսով կատարված է արդեն գոյություն ունեցող ջրանցքի հատակի խորացման և լայնացման աշխատանքների պլանը»,- հայտնել է նա ազգին հղած իր ամենամսյա ավանդական ուղերձում:
ՏԱՍՍ-ը հիշեցնում է, որ Սուեզի նոր ջրանցքի կառուցման և հնի միաժամանակյա արդիականացման գրեթե 8 միլիարդ դոլար ընդհանուր գումարի հավակնոտ պլանի գործարկման մասին հայտարարվել էր անցյալ տարվա օգոստոսին: Նախագիծը նախատեսում է գործող ջրանցքի 37 կիլոմետրի լայնացում և խորացում, ինչպես նաև ես 35 կիլոմետր նոր հունի փորում:
Նախագիծն իրագործելու համար աշխատում են 17 քաղաքացիական ընկերություններ՝ բանակի հովանավորությամբ, որն ստանձնել է ինժեներատեխնիկական ապահովումը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
