Պակիստանում թալիբներն ստանձնել են ավտոբուսի վրա կատարված արյունալի հարձակման պատասխանատվությունը

Պակիստանցի թալիբներն ստանձնել են ավտոբուսի վրա կատարված հարձակման պատասխանատվությունը, որի հետևանքով, ըստ վերջին տվյալների՝ զոհվել Է առնվազն 47 մարդ, տեղեկացնում Է «Արմենպրես»-ը՝ հղում անելով Հնդկաստանի Zee News հեռուստաալիքին:

Միջադեպը տեղի Է ունեցել Կարաչիի Սաֆուրա Գոթհի շրջանում: Գրոհի պահին ավտոբուսում եղել Է շուրջ 60 մարդ: Ոստիկանության տվյալներով՝ վեցից մինչև ութ ահաբեկիչներ երեք մոտոցիկլետներով մոտեցել են ավտոբուսին: Նախ նրանք ավտոբուսը գնդակոծել են դրսից, այնուհետև ներխուժել են ներս և դիմահար գնդակահարել ուղևորներին: Դրանից հետո նրանց հաջողվել Է փախչել:

Ավտոբուսը պատկանում Էր իսմայելացիների համայնքին, որոնք Կարաչիում Al-Azhar Garden Colony բնակելի համալիրի սեփականատերն են. հարձակման թիրախը եղել են հենց այդ կրոնական փոքրամասնության ներկայացուցիչները: Իսմայելացիները Պակիստանում հիմնականում զբաղված են կրթության և առողջապահության հատվածում:

Ինչպես նշում Է ՌԻԱ Նովոստին, շիա մահմեդականների վրա գրոհները, որոնց թվին են պատկանում իսմայելացիները, վերջին ժամանակներս Պակիստանում հաճախակի են դարձել. վերջին երկու տարում զոհվել Է շուրջ հազար մարդ: